Spørsmål
Jeg tror jeg har ADHD. Jeg sliter veldig med tidsblindhet, selvregulering og motivasjon. Og dette har bare blitt tydeligere og tydeligere i løpet av studietiden. Jeg stoler ikke på at legen vil ta det seriøst. Jeg tør heller ikke ta det opp med familie, fordi ADHD i kvinner ikke er som den type ADHD alle tenker på. Hvordan bør jeg gå frem for å få hjelp. Jeg har allerede måtte ta igjen mye studie som jeg henger bak på, og har siden begynnelsen av tenårene blitt ekspert på å komme med unnskyldninger. Jeg er veldig opptatt av selvutvikling, men tror utfordringene mine gjør mye vanskeligere enn det trenger å være..
Psykolog svarer
Kva er ADHD?
ADHD er, som du sikkert veit, ein tilstand der ein strevar med merksemd, korttidshukommelse og av og til impulsivitet og hyperaktivitet. Symptoma du nemner – vanskar med tid, regulering og motivasjon – er typiske for denne typen utfordringar.
Kvifor blir symptoma meir tydelege i studietida?
Det er også vanleg, slik du skriv, at slike symptom blir meir framtredande i studietida. Mange studentar som strevar med dette, har utvikla meistringsstrategiar som har fungert greitt. Men når krava i studiet aukar, og evna til konsentrasjon og hukommelse blir utfordra – slik det ofte blir i eit krevjande studie – blir det vanskelegare å lene seg på desse strategiane. Mange opplever då å streve meir fagleg, og kjenner seg slitne og overvelda.
Andre moglege årsaker til symptoma
Det kan også liggje andre underliggande årsaker, både fysiske og psykiske, bak slike symptom. Difor må ein til ein spesialist for å få avklart om plagene skuldast ADHD eller om dei har andre forklaringar. Som det er forklart i artikkelen om utreiing av ADHD (vedlagt), kan ein få utreiing anten i det offentlege eller privat. Viss du ønskjer ei offentleg utreiing, må du gå via fastlegen og få ei tilvising. Til ein privat aktør kan du ta kontakt direkte.
Kvinner og ADHD – ei underdiagnostisert gruppe
Du har heilt rett i at ADHD ofte er mest assosiert med gutar og menn. Samstundes har det vore eit aukande fokus på ADHD eller ADD (som er ADHD utan impulsivitet og hyperaktivitet) hos kvinner, og korleis dei ofte går under radaren. Dei fleste som jobbar i helsevesenet, kjenner til dette. Sannsynlegvis, og forhåpentlegvis, har truleg også fastlegen din kjennskap til dette og vil vere ein god samtaleparnar. I tillegg kan det vere lurt å ta ein prat med fastlegen når ein strevar slik du gjer, då legen kan raskt vurdere og eventuelt utelukke andre fysiske årsaker til plagene.
Nyttige ressursar
Eg har lagt ved to artiklar som handlar om ADHD og om korleis ein kan finne ut om ein har det. Håper dei kan vere til nytte!
Lukke til!
Venleg helsing frå psykologen