Jeg føler meg ikke god nok med kvinner, hva kan jeg gjøre?

Mann 23 . 21 August 2025

Spørsmål

Jeg føler at jeg ikke er verdig eller god nok til å ha forhold med kvinner. Til tross for at jeg har datet og har litt sex, så kjenner jeg meg igjen i mye av den følelsen og tankegangen som beskrives som "incel". Selv om jeg har jentevenner og er sosialt kompetent, er angsten for å vise romantisk interesse så overveldende at den paralyserer meg. Jeg har blitt avvist så mange ganger at jeg nå har bygget opp et kraftig filter som hindrer meg i og i det hele tatt å prøve. Jeg mistenker at problemet ligger dypt ned i meg; kanskje i hvordan jeg skaper nære relasjoner, eller kanskje jeg har f.eks. ett stygt fjes eller en slik ting man selv ikke helt greier å se. Jeg føler meg veldig stygg hele tiden, og sliter også veldig med å flirte – i alle fall om det er med noen jeg liker. Kanskje jeg har for høye standarder? Hvordan vet man hvilke jenter man har en sjanse med og hvor attraktiv man selv er? Jeg føler meg veldig ensom, og tenker på dette hver kveld.

Mann (23)

Psykolog svarer

Hei

Å gjere seg sårbar

Å gjere seg tilgjengeleg for eit anna menneske og samstundes stille seg sårbar for å bli avvist, er skummelt. Ein risikerer ei smertefull oppleving. Samstundes kan ein også oppnå mykje fint dersom kjenslene blir gjengjeldte. Dei aller fleste synest dette er både komplisert og vanskeleg.

Kvifor nære relasjonar er krevjande

Nære relasjonar er noko av det mest utfordrande for oss menneske. Som psykolog snakkar eg kvar einaste dag med folk som strevar psykisk fordi dei synest nære relasjonar er krevjande. Vi er fødde som flokkdyr og ønskjer å bli akseptert, elska og inkludert.

Ei vanleg problemstilling i terapi er å finne måtar å oppnå dette på utan å gå på akkord med seg sjølv. Mange er redde for at dersom dei viser kven dei eigentleg er, vil dei ikkje bli elska. Mi erfaring er at det ofte er det motsette som er sant: når ein tør å vise andre kven ein er bak fasaden, aukar sjansen for å bli likt.

Unge menn og einsemd

Eg har og eit inntrykk av at fleire unge menn strevar med det same som deg, der ein endar opp tilbaketrekt og frustrert; det du kallar "incel". Heldigvis har fleire begynt å snakke saman om dette, og det trur eg er viktig. Å lukke seg inne og ikkje dele med andre det som verkeleg føregår, er ofte oppskrifta på depresjon.

Korleis finne ut om du har ein sjanse

Du spør korleis ein kan finne ut kven ein har sjanse med, og kor attraktiv ein er. Den einaste måten å finne ut det på, er å gå ut og prøve. Det er skummelt, og sannsynlegvis vil du oppleve fleire nei. Men kanskje kan det vere verd det dersom du finn nokon du verkeleg likar?

Hjelp å få

Dersom du kjenner deg heilt fastlåst i dette, skal du vite at den lokale studentsamskipnaden din har både terapeutar, rådgjevarar og helsesjukepleiarar som er vande til å snakke om denne typen problem.

Dersom du heller ønskjer eit anonymt tilbod, kan du ta kontakt med desse: