Spørsmål
Hei. Jeg har vært psykisk syk i snart 5 år og jeg begynte først i terapi for et år siden. Jeg sliter med å åpne meg for behandlere noe som sikkert har gjort at progresjonen min ikke har vært så bra. Man kan kanskje si at jeg er moderat til alvorlig psykisk syk, og jeg lurer egentlig bare på om jeg kan bli frisk. Hvor mange blir friske liksom? Føler ikke at jeg finner noe godt svar på det. Til tider kan alt føles så maktesløst og vondt at jeg krever noe lys i mørket, men finnes den i det hele tatt? Jeg har ikke fått noen andre offisielle diagnoser enn depresjon og angst enda, men opplever mye symptomer knyttet til K-PTSD og OCD i tillegg. Går det Ann å få livet sitt tilbake og hva kreves? Takk for svar…
Psykolog svarer
Psykiske plager er vondt og vanskelig. Ei vanleg årsak for slike vansker er at meistringsstrategiane ein tidlegare takla vonde livssituasjonar med ikkje lenger fungerer. Mange barn som opplever relasjonstraumer vegrar seg for å åpne seg og vise seg sårbare. Handteringa kan gi ei opplevd beskytting mot smerte, men om strategien er med vidare når ein har blitt vaksen, blir det vanskar kring nærleik og det å opne seg for andre.
Hjelper terapi?
Forsking på psykoterapi viser at mellom 60 og 70 prosent av pasientar får hjelp på ein betydningsfull måte. Forskninga viser også at om nokon ikkje har fått hjelp på første forsøk, kan ein få hjelp ved å prøve andre metodar eller behandlarar. Det er altså god grunn til å håpe på å få god hjelp av terapi, også om du ikkje får den hjelpa du treng i første forsøk.
Å opne seg i terapi
Du har nok rett i at vanskar med å opne opp påverkar progresjonen din i terapi. Dette er eit dilemma mange opplever: Problemet dei søkjer hjelp for fører til at terapien går sakte. Kanskje kan du snakke med terapeuten din om desse vanskane, slik at du kan få hjelp til å få auka utbytte av terapien din?
Å gjere det som er skummelt
Eit fellestrekk ved terapiar som er hjelpsomme er at pasienten får hjelp å gjere ting som hen ellers har unngått. Dette kallar vi eksponering. Ein kan eksponere seg for mange ting, som f.eks. å opne seg andre, for følelsar eller for ting ein har tvangstankar om. Eksponering er ein av dei mest effektive teknikkane i terapi. Men det er sjølvsagt også ubehageleg...
Ha trua!
Det er med andre ord mange grunnar til å tru at du kan få hjelp i terapi. Men det vil krevje at du vågar å ta i mot hjelp med å gjere det som er skummelt.
Masse lukke til!
Venleg helsing frå psykologen