Spørsmål
*Jeg er utsatt for masse vondt over lengre tid det har gjort meg syk både fysisk og psykisk.. *Jeg er enslig, trenger hjelp av dere ... *Kan noen helsestasjon hjelpe meg... *Redd for å bli drept... *Trusler,slås,stenger jeg meg alltid inne ..
Psykolog svarer
Trugslar og vald er uakseptable handlingar. Det kan føre, slik som du seier, både til psykiske og fysiske plager. Mange som opplever det same som deg strever med å komme seg unna. Kanskje er den som utøver vald og trugslar ein person nær deg, og som du kanskje samtidig er avhengig av og glad i? Då er det viktig å hugse på at det faktisk går an få hjelp.
Det er fleire instansar som kan hjelpe deg som har opplevd vald og trugslar:
- Står du i akutt fare kan du ringe Politiet på tlf. 112. Der vil du få hjelp med ein gong.
- Du kan også ringe Vold- og overgrepslinjen tlf. 116 006. Der kan du få hjelp, råd og svar og nokon å snakke med. Telefonen er døgnopen.
- Det finnast også krisesenter i heile landet som tilbyr beskyttelse, sikkerheit, råd og rettleiing for dei som er utsette for vald. Du kan ringe dei på tlf. 905 79 118 for å få vite meir.
- På dinutvei.no kan du finne kvalitetssikra informasjon om vald og overgrep.
- Du kan også alltid snakke med fastlegen din om kva du opplever.
Mange synast det er skremmande og skamfullt å be om hjelp, men du skal vite at du ikkje er aleine i å ha blitt utsett for dette. Nesten ein tredjedel av den norske befolkinga har blitt opplevd alvorleg vald etter fylte 18 år, og mange av desse har blitt utsett for dette av partneren sin. Du kan lese meir om dette på nettsidene til Nasjonalt kunnskapsenter for vold og traumatisk stress.
Eg håper dette var til hjelp for deg. Masse lukke til.
Venleg helsing frå psykologen