Spørsmål
Hei. Jeg er deltidsstudent og i full jobb ved siden av. Jeg har møtt veggen i høst pga jobben men grunnet studier så har jeg ikke krav på sykemelding fra Nav sin side pga årsaks koden/diagnose koden. Det er jobben som er håpløs å stå i og det har nå blitt så ille at jeg får angst av å dra på jobb og har tanker om å skade meg for å kanskje få en pause fra jobben. Finnes det noe jeg kan gjøre? Studiene liker jeg og det er egentlig bare positivt for meg å ha, men jobben er hele problemet. Har jobben pga er avhengig av inntekt grunnet eier bolig.
Psykolog svarer
Vanskeleg balanse!
Du er ikkje den einast som synast det er krevjande å stå i studier og full jobb! Mange studentar strever med å finne jobb-studiebalansen, og fleire er avhengig av jobb for å få kvardagen til å gå rundt økonomisk. For deg høyrast det ekstra vanskeleg ut, då du grunna busituasjonen din er avhengig av ei vesentleg inntekt, og at jobben din er spesielt krevjande for deg.
Sjukdomsutløysande arbeidsmiljø
Folk kan få psykiske vanskar av jobb av mange, ofte samansette, grunnar. Det kan vere faktorar ved jobben din som ville påverka dei aller fleste, som f.eks. arbeidsmiljø, dårleg HMS-handtering, eller krevjande arbeidsforhold. Dette er det ofte vanskeleg å gjere noko med, og mange ville kanskje valgt å skifte jobb. Men det er jo ikkje alltid så lett å finne ny jobb.
Indre sårbarheiter
Det kan også være at det er noko med jobben din som treff eit sårt eller konfliktfylt punkt hos deg. Med det meiner eg at det ikkje er jobben i seg sjølv som er problemet, men at jobben vekkjer noko i deg som du strevar med å handtere eller løyse på ein god måte og som gir deg psykiske plager. Denne typen vanskar kan ein nokon gongar få hjelp til ved å snakke med nokon. Om dette kan vere noko for deg, har den lokale studentsamskipnaden din erfarne rådgjervarar, helsesjukeplearar og terapeutar som er vande til å snakke om psykiske vanskar, studier og jobb.
Sjukepengar
Når det gjeld vurdering av rett til sjukepengar kan det vere lurt å rådføre seg direkte med NAV. I følge NAV sine sider så har studentar ofte rett på slik støtte om ein har jobba i minst 4 veker før ein blei sjuk og tjener meir enn ca 62000 kr i året, men at det kan vere individuelle vurderingar. Du kan kontakte NAV direkte på nettsidene deira for å høyre korleis di sak står. Kanskje kan det og vere lurt å drøfte dette med fastlegen din, då det er hen som har sjukemeldt deg.
Eg har også lagt ved ein artikkel om kva rettar du har som sjukemeld student.
Masse lukke til!
Venleg helsing frå psykologen