Spørsmål
Jeg sliter litt med hukommelse, og som student er dette frustrerende når man skal bygge videre på ting man har lært tidligere. Kan ofte kjenne igjen ting og vite at jeg har lært om dette før, men det hjelper lite. Sliter ikke kun med dette skolemessig, men også når det kommer til minner generelt. Om noen spør meg hva som var det beste son skjedde i sommer så aner jeg ikke, mye fordi jeg ikke husker så mye av det med mindre jeg virkelig konsentrerer meg, men også fordi jeg ikke husker følelser. Jeg husker ikke om noe var bedre enn noe annet. Jeg kan derimot huske å ha tenkt wow dette var fint eller lignende, men jeg husker ikke selve følelsen. Jeg husker lite av hvordan ting ser ut, feks hvis jeg har dratt til en by. Hvis jeg virkelig konsentrerer meg kan jeg klare å lage et slags kart, men jeg klarer bare å se for meg små plasser om gangen. Ofte kan jeg vite at jeg har gjort noe, men ikke huske hvordan det var. Sliter også med vennskap pga dette og er avhengig av "tvangssosialisering"
Psykolog svarer
Tusen takk for spørsmålet ditt, det er fint at du tek kontakt med oss. Hukommelsesvanskar er noko mange studentar strevar med i større eller mindre grad. Det er, slik som du skriv, frustrerande å ha det slik, spesielt når ein skal lære. Hukommelsen er jo eit av hovudverktøya vi skal bruke i studia!
Mange årsaker
Det kan vere mange årsaker til at ein strevar med hukommelsen sin. Hukommelse, konsentrasjon og fokus er noko av det første som blir påverka dersom vi står i konflikt, om vi er i sorg, om vi strevar med søvn eller om vi er sjuke. Desse hjernefunksjonane blir påverka når vi har lite overskot og merksemda våre er andre plassar enn på det vi skulle ønskje vi kunne hugse.
Forsvarsmekanisme
For nokon er det å ikkje følgje med, kople fra og leve livet sitt frå ein nummen posisjon ein måte å handtere at livet er eller har vore vanskeleg. Foregår det noko vondt, er det mange som opplever det lettare å ikkje heilt forholde seg til omverda. Denne strategien kan vere vanskeleg å legge bort, sjølv om det vanskelege har gått over.
Depresjon
Konsentrasjons- og hukommelsesvanskar er også eit symptom på depresjon og nedstemtheit. Når vi strevar med lågt stemningsleie synk også aktiveringa i hjernen i områder som skal hjelpe oss å hugse. Dette er sjølvsagt ikkje ein varig skade, og hukommelsen kjem tilbake når vi er ute av depresjonen.
ADD/ADHD
Hukommelsesvanskar og vanskar med innlæring er også eit vanleg symptom ved nevrodivergens, som f.eks. ADHD. Ein tenkjer då at dette er eit handikap som ein har hatt sidan tidleg alder og som har påverka ein heile livet.
Korleis kan eg finne ut av dette?
Som du skjønner kan det vere mange årsaker til plagene du opplever. For å kunne hjelpe deg sjølv kan det vere tenke over kva som kan vere årsaken. Har det alltid vore slik kan det vere ADHD. Kjem det i periodar med nedstemtheit, kan det vere knytta til lågt stemningsleie. Har du opplevd vonde ting i livet som er vanskeleg å forholde seg til er det kanskje grunnen.
Nokon å snakke med?
Nokon gongar treng vi hjelp frå andre for å forstå. Kanskje har du nokon du stoler på som du kan snakke med? Fastlegen din er ein god samtalepartner som kan hjelpe deg å vurdere alvorsgrad og hjelpe behov. Den lokale studentsamkipnaden din har også samtalepartnarar som kan hjelpe deg på veg.
Masse lukke til!
Eg håper at nokon av desse refleksjonane kan vere nyttig for deg. Eg har også lagt ved eit par artiklar som du kanskje kan få noko ut av.
Venleg helsing frå psykologen