Skal jeg bruke hijab eller ikke? Jeg trenger råd.

Tusen takk for eit godt og viktig spørsmål. Eg forstår godt at dette er vanskeleg og at du har eit behov for tips og råd. Det er sjølvsagt berre du som kan vite til slutt kva som er løysinga på dilemmaet ditt, men eg deler gjerne nokon av mine tankar rundt dette. Først og fremst har eg lyst å seie at alt tydar på at du ikkje er aleine om å føle på dette, og eg vil verkeleg oppfordre deg til å finne nokon som forstår seg på dilemmaet ditt å snakke med. Det høyrast nemleg ut som ei vanskeleg konflikt å gå rundt med.

Fordommar og rasisme

Du har dessverre rett i at muslimar blir utsatt for rasisme og hets i Norge. Mykje forskning har understøtta dette (sjå f.eks. dette bokapittelet om rasisme for ein oversikt). Dei gongane du har valt å gå med hijab, er det forståeleg at du tenkjer på kva andre tenkjer om deg. Men hugs også at identiteten din og kven du er er inne i deg, og er ikkje avhengig av kva du har på deg. 

Minoritetsstress

Minoritetar står ofte i eit dilemma mellom å skjule sin identitet eller å bli veldig synelege. Denne konflikten skaper noko som blir kalla i forskninga minoritetsstress og som dessverre er relatert til ei rekke vanskar (sjå f.eks. denne artikkelen om minoritetsstress). Utfordringa til mange blir då å finne ein balanse inne i seg der ein føler seg tru mot identiteten sin, utan at det skaper for masse problem ute i verda. 

Eit vanskeleg valg

For meg så høyrast det ut som du har eit valg å ta, som eigentleg ikkje har ei heilt god løysing. Du kan skjule kven du er, eller vere open og bli svært synleg med konsekvensane det har. Ingen av dei valga vil gi deg heilt det du ønskjer. Det å ta slike val er noko av det vanskelegste for oss menneske.

Søke støtte?

Vi menneske treng støtte og forståelse frå folk som forstår situasjonen vår.  I tillegg så er det å engasjere seg saman med andre  i noko ein brenn for god forebygging av psykiske vanskar.  Rådet mitt til deg er derfor å søke ut andre menneske som kan kjenne seg igjen i det du står i. Kanskje kan Islamsk råd i Norge, Muslims dialognettverk eller Antirasistisk senter vere ein plass å starte? Kanskje kan du bidra der med kunnskapen din, eller kanskje har dei arrangement der du kan møte liknande?

Dersom du treng nokon å snakke med har den lokale studentsamskipnaden din erfarne dialogpartnarar. Det finnast også samtale- og chattetjenestar som er vande til å snakke om vanskelege valg. 

• Mental Helse: 116 123 (hele døgnet)
  Kirkens SOS: 22 40 00 40
  Chat med Kirkens SOS hver dag fra 18.30-22.30 (fredag frem til 01.30)
  Studenttelefonen: 116 123 (tast 3) (Alle dager fra kl 16.00 til kl 06.00)

Lukke til

 Eg håper at dette kan bidra litt til å finne ut kva du skal gjere med ein vanskeleg situasjon. Masse lukke til!