Eg skal ta permisjon på grunn av sjukdom. Kva skjer med studielånet?

Du har ikkje rett til lån og stipend når du er i permisjon. Det betyr, at du må melde frå til Lånekassen med ein gong, dersom du tar permisjon no i haust. Du får behalde støtta fram til avbrotsdatoen. Du melder frå om avbrot på "Mi side" hjå Lånekassen, under menyvalet «Melde frå om endringar».

Når du melder frå om avbrot, reknar Lånekassen ut kor mykje støtte du hadde rett til, og om du har fått utbetalt for mykje pengar. Dersom du har fått utbetalt for mykje pengar, blir det overskytande beløpet du fekk gjort om til lån. Du treng ikkje å betale tilbake pengane med ein gong, men beløpet blir lagt til studiegjelda di.

Sjukestipend

Du kan ha rett til sjukestipend når du har vore sjukemeld i meir enn to veker samanhengande. Sjukestipend inneber at at deler av lånet du har fått, g blir gjorde om til eit sjukestipend for noko av tida du var sjuk. Du kan også få sjukestipend etter at du har gått ut i permisjon.

Du kan søke om sjukestipend for førre semester allereie no. Fristen er seks månader etter at semesteret skulle ha vore avslutta. Det tyder vanlegvis at Lånekassa må ha motteke søknaden seinast den 15. desember.

Seinare kan du òg søke om sjukestipend for haustsemesteret 2026, dersom du er sjukemeld i meir enn to veker samanhengande no. Du kan få sjukestipend i inntil 4,5 månader i løpet av eit studieår.

Les meir om sjukestipend på lanekassen.no.

Inntektsgrenser for omgjering

Kva inntektsgrense som gjeld for deg i 2026, kjem an på kor mange månader med støtte du har i 2026. Sjukestipend tel også med. 

• Har du fått støtte frå Lånekassen i sju månader eller mindre av året, er inntektsgrensa på 587 053 kroner.
• Har du fått støtte i meir enn sju månader i 2026, er inntektsgrensa 234 821 kroner. 

Du kan sjå grensene for inntekt, formue og trygd på lanekassen.no.